بُنِه وار

اَیر دست ِ  صیادی پُر ز دون بی

به صید بی خَوَر ظلمی گِرون بی

بُزی که اِیخوره نونا  چوپونه

گُنه نِه بُز نکِرد تقصیر نون بی

****

تُکی عشق جور  دریا بی حساوه

به لَو اِشتاو پُرسی بی جواوه

ز  تِی نامحرمون عشقه بپوشنین

که عشق چی او پَر ِ گُل بی حجاوه

****

به  شِرنُم سینه و دل زش دِرارُم

هونه چی گندمی وُر گِل بکارُم

گُدی که کار لُر بی دل تمونه

ز دل دورت حصاری ایورارُم

****

ایر چه دستُم اِز دستت به دیره

زت ایخواستُم دلامون یک بگیره

کموتر گَل گِرهد وا گَله بازی

ندیدُم هیچ لُری سی لُر بمیره

****

ایَر خاری تو نیدی رَو گُلی با

اَیَر زلف ِ شِلالی کاکُلی با

نمون چی  بید  که هی زَی لاف سایه

تو سرو کُهنه خیز ِ رِی تُلی با

" رهدار " کتاب کُهبُنگ - چاپ سوم