سروده هایی از: ماموستا (استاد) شیرکو بیکس 

ورگردونی  وه لُری: رهدار

1-رَه کشی 

بینه ئی روزل

اَیر
روزِ تیفونی  بمیری
گاشا   چی بَبری زِمار آبوی
بینآبین ئی روزون
اَیر
روز بارونی جون دادی
گاشا چی گورآوی زِمار آبوی
بینه ی روزا
اَیر روز اَفتوی یا شَرتوِیی بمیری
گاشا چی بِرقِشتی زِمار آبوی
بینه ئی روزون
اَیر
روزِ بَرفینه جون دادی
گاشا چی کَوگی رشتال زمار آبوی
بینه ئی روزل
ایر
روزی که هوا کِر بی بمیری
گاشا چی درازه دره ای روشنا زمارآبوی
اما مو  چه ؟
مو که ایطو زندهینه  به سر ایکنم
و سی ایسا مردمون
بستُم بیتاُ بسیار
زِنُو اویده بیتی
چی ولاتُم زمار آبوم
 
 2-بی پی تُره  ری وه ری تیا  آسمو
اَورانه
ری وه ری تیا اَورا
بارونه وَشَنه
ری وه ری بارون
هاکِنه
تریده زید
اُسو ری  وه ری هرچی تی بی
تیا گوهیچینه زنده بچال کِردِن
همو دوتا تی که
 تُریده نه
 دیده بیدِن
 
 
3- اَیر اَیر زه دُوالالی هام
یه لِشک گُل وَر گِرِن
 بی گِمون یه  فصل جون اِده
اَیر بخواهن عشقه وَرگِرِن
دو فصل جون اِده
اَیِر پَتیر نون نِه
سه فصل جون اِده
اما آزادینه
اَیر بخواهن ز دوالالی های مو
آزادینه وِرگِرِن
سال
 تموم سال جون اِده
 
4-تَمتَمه  رنج  ها  یه قالی بفی
 که روزگاری قالی بفی کِرد
تُرنُج و اَورشَم اِبَفت
 سَکو که مُرد
نه جُل پشایی داشت زیر پا
نه هم کسِ کاری  بی
تا گُلی وَنه سر غَورِس
 
5- وه ایچو  وه ایچو
کُه و کَمَر بیت بند ایبو
دار و درخت پی نویس
مَور و صحرا غاغز
رو سرهیل ایبو
بَرد نُختِه
اُ  مو
علومت تعجوم
 
6-بیت  بیت
چی کُرکُر کموترونه میسمِ عشق
بیت
بال پِرپروکه میسم بارو
بیت
گَرته لیله ی آستاره
که مِنه مَور وکَش بغل کُه و کَمَر ایباره
اُ بیت
کلیک بچه یله
به جهندُم ولات
اُ مِنه غَورهای بی نُم و نِشو نی
 که وستنه به رَه
 
7- نوشتن  آسمو
هی اِنویسه بارون
بارون
هی اِنویسه
رو
رو باغنه
باغ
 گُلنه
اُ مو دایم بیت...