"سروده هایی از کتاب دا لالا به زبانهای لُری "
"سروده هایی از کتاب دا لالا به شاخه های زبانی لُری "
خَرسم بوء بوء ایکِه ری گِل
تیه م دی دی ایکِه سی دل
دلم ایخاس ککا شرتو
ددی چاله بِزَه سیم کِل
*****
محبت کِّشکلو وابی
وطَهر کُر زنگلو وابی
دَسُم پَیلَه احوالپرسی
آوه چَشمَه شُلو وابی
*****
دلم تا بی توجُنگ ایبو
وری چاله خُرنگ ایبو
اِیا تا فصل آوازش
زَبونش گُنگه گُنگ ایبو
*****
لالالالا دُو دُو مَشکه
باریِکم سیت مثه دشکه
باریکیم بی یکاگیری
گلاک باغته نَشکه
*****
تَژه لارِم ده زور تَو
هَنا میکم وه گاماسیو
غپ ِ ریت کِرده ی دردِم
هنارَس قحطیه وی شو
*****
تشه ایما ، بلیز ، بلیز
تشه بی ما کورکلیز
تشه شئرِم ده تژگا تو
هزارو وَش گِرتهَ لیز
*****
لالا لالا دنامی تو
تو کارونی نهامی تو
تِکی دادُم کََوَر کُه نِه
تو چی زرده وَبامی تو
*****
نشینُم سا گِل هیروت
نویسم ری گِلال روت
اَیر طاق ت کُنه تُک تُک
دلمه ایکُنُم پَهروت
*****
وَری ای گئو بکُن کاری
که بی یک بی پَل آماری
اَیَر رَه یَل دوتا وابه
تو اَ کُم دره دیاری؟
